Во дневниот центар „ПОРАКА“-Скопје денеска министерот за труд и социјална политика Спиро Ристовски ќе прими 3-то Декемвриска благодарница.
Благодарницата се доделува за придонес за остварување и унапредување на човековите права на лицата со интелектуална попреченост во Република Македонија за 2012 година, а по повод Меѓународниот ден на лицата со попреченост.
Републичкиот центар за поддршка на лица со интелектуална попреченост „ПОРАКА“ секоја година доделува признанија на поединци, институции и организации кои во текот на годината дале свој придонес во остварувањето и унапредувањето на правата на лицата со инвалидност.