Македонската асоцијација на новинари (МАН) најостро го осудува повикот за убиство на лидерот на ВМРО-ДПМНЕ Христијан Мицкоски од колумнистот на Либертас и Плусинфо Бранко Тричкоски.
„Истовремено, ги повикуваме редакциите Либертас и Плусинфо да се оградат од ваквиот повик за убиство, насилство и говор на омраза, кој во континуитет преку социјалните мрежи го шири Тричковски и го повикуваме јавното обвинителство и МВР да ги преземат сите дејствија за спречување на истото веднаш и без одлагање.
Истовремено, го повикуваме вицепремиерот Кочо Анѓушев да им се извини на новинарите кои денеска беа предмет на неговиот испад на брифингот, каде фрлил фломастер кон нив, за што се известени меѓународните преставници во Република Македонија“ се вели во соопштението на МАН.