Американската актерка Клер Дејнс стана мајка по првпат и на свет донесе машко дете, на кое таа и нејзиниот сопруг Хју Денси му дадоа име Сајрус Кристофер.
Триесетитригодишната актерка и нејзиниот сопруг ја потврдија среќната вест синоќа, иако Сајрус на свет дојде уште во понеделникот.
Инаку, од почетокот на бременоста Клер беше многу таинствена и долго време одбегнуваше на медиумите да им потврди дека е бремена, а последните месеци сосема се повлече од јавноста.
Среќната мајка тогаш изјави дека нестрпливо чека малку да се повлече од медиумите и да се посвети на новиот член на семејството.