Стотици лица беа убиени во операцијата на армијата на Чад во североисточниот нигерски град Диква, кој беше под контрола на исламистичката групација Боко Харам, изјавија воени претставници.
Екстремистите оставиле зад себе стотици жртви во Диква, пред вчера да избегаат од градот по настапувањето на чадските војници.
Еден чадски војник е убиен, а 34 се ранети, изјави портпаролот на армијата на соседна Нигерија.
Нигериската армија вчера го спречила нападот на Боко Харам врз градот Кондуга, во североисточниот дел на земјата. Убиени се 70 борци на исламистичката групација.