Израел продолжува да врши геноцид во Газа, дури и по прекинот на огнот во палестинската енклава – договорен со посредство на САД минатиот октомври – се наведува во извештајот на комисија на Обединетите нации, објавен денеска.
Израел го отфрли извештајот, опишувајќи го како дел од „кампања за дезинформации“, пренесе Ројтерс.
Извештајот на Независната меѓународна истражна комисија на ОН за окупираната палестинска територија (вклучително и Источен Ерусалим) и Израел, се осврнува на прекршувањата на правата на палестинските деца во периодот од почетокот на војната меѓу Израел и Хамас на 7 октомври 2023 година, па сè до септември оваа година.