Јавното обвинителство проверува дали адвокатот Васко Стојков кој го однесе во Србија, Љупчо Палевски – Палчо, првоосомничениот за убиството на Вања Ѓорчевска и Панче Жежовски има инволвираност во кривично-правниот настан, но засега за него не е побарана мерка за обезбедување.
„За уште едно лице кое од вчера беше задржано 24 часа во полициска станица, до ОЈО Скопје е доставено известување. Јавен обвинител оцени дека во овој момент не постојат законски основи да бидат предложени мерки на обезбедување, меѓутоа проверките за негова евентуална инволвираност во кривично-правен настан продолжуваат“, велат од обвинителството.
Откако се објави дека Палевски е првоосомничениот за убиството на Вања и Жежовски, адвокатот Стојков за дел од медиумите кажа дека не ја знаел таа информација и оти Палчо му кажал дека треба да оди на лекар во Белград, а нема автомобил.