Од Нова година, самохраните родители коишто имаат деца со пречки во развојот ќе добијат за 50 отсто повисока финансиска поддршка од државата, соопшти Министерството за труд и социјална политика.
– Посебниот додаток за самохрани родители на деца со пречки во развојот изнесува 4.280 денари, а сега ќе се зголеми на 6.420 денари, за што во буџетот на Министерството ќе се обезбедат дополнителни средства во висина од 6.676,800 денари – рече министерот Спасов.
За реализација на оваа предлог мерка ќе следи измена на Законот за заштита на децата која ќе биде доставена до Владата до крајот на септември.