Пред неколку дена американските шоу-биз медиуми објавија дека раперот Фифти Сент ја претепал својата девојка Дафне Џој и дека завршил во затвор.
Сакајќи да ги демантира ваквите тврдења и да ги увери своите обожуватели дека не е во затвор, познатиот рапер на своите профили на социјалните мрежи објави нови фотографии на кои се гледа како игра кошарка, свири пијано, се одмора во базен, седи на својот автомобил, храни риби…
Со ваквите фотографии Фифти Сент едноставно им порача на своите обожуватели, но и на злобниците: „гледате дека не сум во затвор“.
Сепак, медиумите тврдат дека раперот се соочува со обвинение за претепувања на својата девојка и доколку биде прогласен за виновен би можел да заработи најмногу пет години затвор и парчина казна од 46.000 долари.