Светскиот првак во бокс Владимир Кличко и неговата девојка, актерката Хејден Панетјер, летниот одмор го минуваат на крстосување низ Медитеранот со луксузната јахта „Ва Бене“.
Јахтата е долга 48 метри, има шест кабини и џакузи на нејзината палуба. Прв сопственик на јахтата „Ва Бене“ беше шефот на Формула 1, Берни Екелстон, кој во 2005 година му ја продаде на Ерик Клептон.
Клептон за реновирање на јахтата, во која како што се тврди „е вљубен до уши“, потроши речиси 23 милиони долари.
Јахтата се издава под наем и може да ја има оној што е подготвен за еднонеделно уживање на неа да „искешира“ 160.000 евра.
