Холивудскиот актер Кијану Ривс е познат како голем самотник. Иако актерот минатата година на светот му ја покажа својата девојка, 46-годишната уметничка Александра Грант, која го придружуваше на ексклузивна филмска забава во Лос Анџелес, неодамна беше „фатен“ сам на плажа во Калифорнија.
Кијану на пкажата пристигна со неговиот мотор, а на љубопитниот папарацо му покажа повеќе отколку што очекуваше. Поточно, додека се пресоблекувал, тој му го покажал на фоторепортерот целиот задник.
Актерот со години не беше во никаква љубовна врска поради траумите кои ги доживеал кога имал дваесетина години.
Во текот на 90-тите Кијану беше во врска со актерката Џенифер Сајм. Во осмиот месец на бременоста, Џенифер морала да оди на итна операција, односно итно породување, но мртвороденото дете Ава емоционално ги уништило и Џенифер и Кијану.
Две години по големиот шок, Џенифер загина во 28-та година од животот. Таа настрада во автомобилска несреќа.