Велика Британија, Франција, Германија, Русија и Кина ќе се состанат со Иран во Виена на 28 јули, кога ќе се разговара за начините за спасување на договорот од 2015 година, соопшти генералниот секретар на службата на ЕУ за надворешни работи, Хелга Шмид.
„Средбата беше закажана по барање на Франција, Германија, Велика Британија и Иран, и на неа ќе бидат прашања поврзани со спроведување на договорот во сите негови аспекти”, наведено е во соопштение.
Иран постигна договор во 2015 година со светските сили за ограничување на збогатување ураниум во замена за олеснување на санкциите.
Во мај минатата година, американскиот претседател Доналд Трамп се повлече од тој договор и воведе санкции врз Техеран.
На почетокот на јули оваа година, Иран ја надмина границата од 3,67 проценти за збогатување ураниум, што беше потврдено од страна на Меѓународната агенција за атомска енергија (МААЕ).