Мајли Сајрус ја поздрави одлуката на својот пријател и колега-рапер Лил Нас Икс, да ѝ соопшти на јавноста дека е хомосексуалец.
– Толку сум горда на моето помало братче Лил Нас Икс. Секогаш сум со тебе, другар!, напиша таа под сликата што ја објави на Инстаграм.
Раперот го искористи последниот ден од „Месецот на гордоста“ за да ја каже вистината за себе.
– Некои од вас веќе знаат, а на некои пак, и не им е грижа… Но, пред да заврши месецов, сакам сите повнимателно да ја слушнете „c7osure”, напиша 20-годишниот музичар на Твитер.
Во својата нова песна, тој вели, меѓу другото, „нема веќе глумење, ми велат дека јас, едноставно, треба да се издигнам“.