Властите во Камерун овозможиле ослободување 27 заложници од Боко Харам кои ги размениле за седуммина членови на радикалната нигериска група кои биле во затвор во Камерун.
Ослободувањето на заложниците беше објавено без други детали, јави ДПА повикувајќи се на локален весник.
Заложници на Боко Харам беа 10 кинески работници, сопругата и 16 роднини на камерунскиот вицепремиер Ахмаду Али, киднапирани пред три месеци.
Размената се случила на тајно место крај границата со Нигерија по неколку недели преговори, објавува весникот. Нигериски медиуми тврдат дека Камерун платил 400 илјади долари за откуп за сопругата на вицепремиерот и оти кинеската Влада платила извесна сума за ослободување на своите граѓани.