Најмалку шест цивили загинаа, а осуммина се ранети откако сепаратисти отворија оган врз автобус во југозападниот дел на Камерун, соопштија официјални претставници.
Англофонските бунтовници кои се борат за независна држава во северозападниот и југозападниот дел на Камерун ги зголемија нападите, убиствата и киднапирањата оваа година.
Автобусот кој патувал од Дуала до Кумба бил нападнат во близина на Екона, изјави претставник на синдикатот за транспорт.
Пратеникот од Финди, Стенли Мокондо, го потврди нападот, но не го прецизираше бројот на жртвите.
Надзорникот на општата болница Буеа, д-р Мартин Мокака, рече дека шест мртви и осум повредени биле донесени во здравствената установа.
Извор: МИА