(ВИДЕО) Зеленски: Војната во Украина мора да заврши со ослободување на Крим

Од:

Војната во Украина почна со Крим и мора да заврши со неговото ослободување, изјави претседателот Володимир Зеленски.

dobivaj vesti na viber

Украинскиот претседател го изјави ова откако низа експлозии погодија руска воздушна база таму, при што загина едно лице.

Зеленски не ги спомна експлозиите во вторникот, но рече: „Крим е украински и ние никогаш нема да се откажеме од него“.

Руското Министерство за одбрана соопшти дека муницијата е детонирана во базата. Во меѓувреме, Украина негираше каква било одговорност за експлозиите.

Украинските власти соопштија дека 11 лица биле убиени во руските напади во текот на ноќта во централниот регион Дњепропетровск и уште еден во регионот Запорожје на југ.

Крим е меѓународно признат како дел од Украина – но полуостровот на Црното Море беше анектиран од Русија во 2014 година по референдумот што глобалната заедница го смета за нелегитимен. Многу Украинци го гледаат ова како почеток на нивната војна со Русија.

Во вторникот, серија експлозии ја потресоа воената база Саки во близина на Новофедоривка, западно од Крим – која е во близина на приморските одморалишта популарни кај руските туристи.

Новофедоривка и Саки се на околу 50 километри северно од пристаништето Севастопол, дом на руската Црноморска флота, која ја предводи блокадата на украинското крајбрежје. Воздушната база беше користена од Русија за напади врз цели длабоко во Украина.

Руското Министерство за одбрана инсистираше на тоа дека експлодирала муниција во скалдиште и дека немало напад однадвор – иако тоа не е независно потврдено.

Секој напад на Крим од Украина би се сметал за длабоко сериозен од Москва. Русија упати предупредување минатиот месец кога поранешниот претседател Дмитриј Медведев се закани дека „ќе се чека Судниот ден“ доколку Украина го нападне Крим.

Зеленски во својот говор доцна во вторникот не се осврна на експлозиите, но нашироко зборуваше за полуостровот, велејќи: „Нема да заборавиме дека руската војна против Украина започна со окупацијата на Крим.

„Оваа руска војна започна со Крим и мора да заврши со Крим – со неговото ослободување“, рече тој.

Последните забелешки на Зеленски сугерираат дека тој верува дека Украина мора да го врати полуостровот пред да заврши војната. Тој претходно посочи дека Украина би можела да прифати мир доколку Русија се врати на своите позиции пред 24 февруари, што значи дека повторното заземање на Крим би можело да биде предмет на понатамошни преговори.

Би можело да ве интересира

Лукашенко: Никој нема да пука во грб од територијата на Белорусија

А1он

Украинскиот јазик нема да биде забранет во новите руски региони

А1он

(ВИДЕО) Руски тенк го погоди украинскиот Хамви: Камерите го снимија драматичниот момент

А1он

Риби и овци за човечки животи: Партијата на Путин им нуди храна на семејствата на мобилизираните Руси

А1он

ВИДЕО: Се појави снимка од руски воз кој носи нуклеарно оружје, постои страв дека се работи за „Посејдон“

А1он

Зеленски потпиша указ: „Нема шанси да преговараме со Путин“

А1он