Спикерот на Претставничкиот дом на САД, Ненси Пелоси, денеска беше снимена во внатрешноста на фризерски салон во Сан Франциско без заштитна маска. Sлучајот, кој го објави телевизијата Фокс Њуз, емитувајќи снимки од безбедносните камери, се претвори во национален скандал за политичарката од редовите на Демократите.
За да бидат работите полошо за Пелоси, таа на снимката крши уште еден пропис – на фризерскиот салон, како и за сите други фризери во Калифорнија, не му е дозволено да дава услуги во внатрешноста на салонот, туку само надвор, на отворено.
Како што е пренесено, со оглед на тоа што Пелоси редовно ги предупредува Американците да се придржуваат и да спроведуваат мерки за превенција против коронавирусот, снимките може да ја компромитираат во јавноста, но исто така да се толкуваат како повик превентивните мерки да не се применуваат повеќе.