Шефот на СЗО: Не можеме да знаеме како настанала короната додека Кина не ги објави своите податоци

Од:

Шефот на Светската здравствена организација (СЗО) Тедрос Аданом Гебрејесус вчера ја притисна Кина да ги сподели своите информации за потеклото на Ковид-19, велејќи дека сите хипотези се на маса додека не го сторат тоа, повеќе од три години откако се појави вирусот.

„Без целосен пристап до информациите што ги има Кина, не можете да кажете ова или она“, рече генералниот директор на СЗО на прашањето за потеклото на вирусот.

„Сите хипотези се на маса. Тоа е ставот на СЗО и затоа побаравме од Кина да биде кооперативна во врска со ова“, посочи тој, додавајќи: „Ако го сторат тоа, би знаеле што се случило или како започнало“.

Вирусот првпат беше идентификуван во кинескиот град Вухан во декември 2019 година, а многумина се сомневаат дека се проширил на пазарот за живи животни пред да го зафати светот и да убие речиси 7 милиони луѓе.

Кинеските научници минатиот месец накратко внесоа податоци од раните денови на пандемијата на Ковид во меѓународна база на податоци.

Тие вклучија генетски секвенци пронајдени во повеќе од 1.000 примероци од животната средина и животни земени во јануари 2020 година од пазарот за морска храна Хуанан во Вухан, местото на првата позната појава на Ковид-19.

Податоците покажаа дека ДНК од повеќе животински видови – вклучително и кучиња – била присутна во примероците од животната средина кои биле позитивни на САРС-КоВ-2, вирусот што предизвикува ковид, што сугерира дека тие се „најверојатните носители“ на болеста, според тим од меѓународни истражувачи.

Меѓутоа, во нерецензирана студија објавена оваа недела во списанието Nature, научниците од кинескиот Центар за контрола и превенција на болести ги оспорија наодите на меѓународниот тим.

Тие рекоа дека примероците не даваат доказ дека животните биле всушност заразени. Тие се земени еден месец откако вирусот првпат беше пренесен од човек на човек на пазарот, па дури и да биле позитивни на Ковид, животните би можеле да го добијат вирусот од луѓе.

Марија Ван Керхове од СЗО, технички водач за ковид-19, рече дека најновите кинески информации нудат некои „навестувања“ за потеклото, но не и одговори. Таа рече дека СЗО работи со научници за да дознае повеќе за најраните случаи во 2019 година, како на пример местото каде се наоѓаат заразените.

Таа додаде дека СЗО се уште не знае дали сите потребни истражувања се спроведени во Кина.

Би можело да ве интересира

СЗО: Подгответе се за „болеста Х“

СЗО не може да достави медицинска помош во Газа веќе 12 дена

Горан Наумовски

(ВИДЕО) Зголемување на пневмониите во Кина, болниците полни со деца: Нема нови вируси соопшти СЗО

Катерина Ѓуровски

Шуга и жолтица се појавија во Газа

Катерина Ѓуровски

СЗО нема контакт со медицинскиот персонал во болницата Ал-Шифа

ВИДЕО: Израелците ја бомбардираа најголемата болница во Газа потврди СЗО