Светската здравствена организација (СЗО) вчера објави дека кинеските власти не регистрирале никакви невообичаени или нови патогени во групи случаи на пневмонија кај децата. Пекинг го припишува порастот на болестите слични на грип на укинувањето на ограничувањата поради Ковид-19 и циркулацијата на познати патогени како што се грип, микоплазма пневмонија и слично.
🇨🇳#China Ongoing #flu season particularly impacting children, with multiple viruses circulating. High incidence of respiratory pbs. In a local #hospital #Beijing, over700 patients wait in line, estimated waiting time more than 13 hours to see a doctor. @WHO issuing a warning ⚠️ pic.twitter.com/yrOdPlhr7Q
— FranceTVChine (@francetvchine) November 23, 2023
СЗО побара од Кина детали за зголемувањето на респираторните заболувања и пријави кластери (помали фокуси) на пневмонија кај децата. Не е невообичаено СЗО да бара повеќе информации од земјите кога ќе се појават епидемии на одредени болести. Други земји, вклучително и Обединетото Кралство и Соединетите Американски Држави, забележаа слично зголемување на болестите слични на грип по укинувањето на ограничувањата за пандемијата, јавува Би-Би-Си.
„Кина сега веројатно минува низ голем бран на респираторни инфекции кај децата бидејќи ова е прва зима по долгите каранти кои драстично ја намалија циркулацијата на респираторните инфекции, а со тоа и имунитетот на ендемични инфекции“, рече Франсоа Балу од Институтот за генетика на Универзитетскиот колеџ во Лондон.
⚠️UNDIAGNOSED PNEUMONIA OUTBREAK—An emerging large outbreak of pneumonia in China, with pediatric hospitals in Beijing, Liaoning overwhelmed with sick children, & many schools suspended. Beijing Children's Hospital overflowing. 🧵on what we know so far:pic.twitter.com/hmgsQO4NEZ
— Eric Feigl-Ding (@DrEricDing) November 22, 2023
Официјални лица од кинеската Национална здравствена комисија одржаа прес-конференција на 13 ноември за да известат за порастот на инциденцата на респираторни заболувања. На настанот не беше спомената недијагностицирана пневмонија, но еден говорник рече дека сите чувствуваат дека има зголемување на респираторните заболувања оваа година во споредба со пред три години.
Во последните денови, медиумите во градовите како Ксиан на северозапад објавија видеа од болници преполни со родители и деца кои чекаат прегледи. Некои корисници на социјалните мрежи објавија фотографии од деца кои прават домашна задача додека примаат интравенски терапии во болница.