ВИДЕО: Песочна бура ја зафати Австралија

Од:

Покрај огромните пожари што ја зафатија Австралија изминатиов период и неодамнешните поројни дождови, централниот дел на Нов Јужен Велс е погоден од огромна песочна бура. Бирото за метеорологија издаде серија сериозни предупредувања за грмотевици вчеравечер за внатрешен Нов Јужен Велс со придружни ветрови, кои создаваат огромни облаци прашина.

Видеата објавени на социјалните мрежи покажуваат дека невремето се спушта кон градот Дуббо и околните градови, а облаците прашина биле толку густи што го блокирале сонцето.

Метеорологот од бирото за метеорологија, Роуз Бар, истакнала дека значителниот дожд во неделата е сконцентриран во централните и северните делови на државата. Брзината на ветрот од 94 километри на час е забележана кај Паркес околу 6.30 часот, а кај градот Дуббо забележана е брзина на ветрот од 107 километри на час во 7.45 часот.

Државната служба за вонредни состојби од вчераутро добила 1.453 повици за помош, од кои повеќе од 1.000 биле за оштетувања на градбите. Повеќето градови на средносеверниот брег на Нов Јужен Велс и северните региони беа зафатени од обилни врнежи, а на некои места наврнале помеѓу 100 милиметри и 180 милиметри дожд.

Меѓутоа, токму овие дождови во изминатите неколку дена обезбедија олеснување за сушните делови во Нов Јужен Велс и им помогнаа на пожарникарите да го забават ширењето на пожарите.

Би можело да ве интересира

ВИДЕО: Жестоко невреме го зафати Јадранот, поплавени приморските градови

А1он

Австралија: До сега угинаа најмалку 380 насукани китови

Ана Ололовска

ВИДЕО: Во Мелбурн уапсени 16 демонстранти

Ана Ололовска

ВИДЕО: Бурата „Јанос“ ja однесе плажата „Ерусалим“ на Кефалонија

А1он

Австралиската Влада ја помага новинската агенција ААП

Ана Ололовска

ВИДЕО: Циклонот беснее во Грција, јахти удираат во карпите

Ана Ололовска