Министерството за одбрана на Обединетите Арапски Емирати денес објави дека пресретнало нов бран ирански ракети насочени кон ОАЕ.
Како што се гледа на снимките од социјалните мрежи, една ракета го погодила Палм Џумеира, познат остров во Дубаи.
Un misil iraní impactó en un barrio exclusivo de Dubái.
Se encuentra en la isla Palm Jumeirah y es conocido por sus populares hoteles turísticos. pic.twitter.com/KYwYjVU9Ku
— López Mejía Rafael (@CONSOCIAL) February 28, 2026
Во Дубаи, експлозии се слушнале во неколку делови од градот, а според првичните информации, можно е тие да биле предизвикани од пресретнати ракети, објавува „Ал Џезира“.
Снимките на социјалните мрежи покажуваат чад како се издига од Палм Џумеира.
Dubai pic.twitter.com/OlP6jYlhF0
— tom (@tom_bullock_) February 28, 2026
ОАЕ соопштија дека го задржуваат „целосното право да одговорат на ирански напад“ откако беше потврдено дека земјата била погодена од неколку ирански балистички ракети, од кои повеќето биле успешно пресретнати.
„Министерството за надворешни работи го осуди овој напад најостро, нагласувајќи категорично отфрлање на нападите врз цивилни објекти, инсталации и национални институции. Нагласуваме дека ваквите акти претставуваат опасна ескалација и кукавички чин што ја загрозува безбедноста и сигурноста на цивилите и ја поткопува стабилноста“, се вели во соопштението, пренесува Ал Џезира.
Министерството нагласи дека овој напад претставува флагрантно кршење на националниот суверенитет и меѓународното право и дека државата го задржува правото да одговори на оваа ескалација и да преземе сите потребни мерки за заштита на својата територија.