Инструкторка по фитнес од Мјанмар снимила цел час со танцување и инструкции за зацврстување на мускулите, додека во позадина на снимката се одвивал воениот удар во земјата, јавија медиумите.
Кинг Хнин Ваи, која често ги користела празните автопатишта околу главниот град Рангун за снимање видеа за нејзиниот канал посветен на фитнесот, ја објави на Фејсбук и последната снимка, која е многу поразлична од сите досегашни.
Иако и првичната локација за снимање би можела да се нарече чудна, на почетокот од видеото не може да се забележи ништо необично. Но, додека Ваи танцува во енергичниот денс-ритам, набргу во кадарот влегува голем воен конвој со оклопни возила и станува очигледно дека нешто не е во ред.
Khing Hnin Wai regularly films her aerobics videos on the empty roads of #Myanmar's capital #Naypyidaw. This week, her backdrop was a military coup.
Follow Khing Hnin Wai on Facebook: https://t.co/PYPWthuRAT pic.twitter.com/rmhirk2GtZ
— Mathias Peer (@mpeer) February 2, 2021
Токму во моментите кога инструкторката, занесена, продолжува со вежбањето и изгледа како да не ја забележува војската, генералите го извршија пучот во кој беше уапсена досегашната премиерка Аунг Сан Су Ќи, заедно со сите членови на нејзиниот кабинет.
„Со оглед на тоа што сликите на вакви конвои не се реткост во главниот град, мислев дека се е во ред и продолжив со својата работа,“ изјави Ваи.
Надреалната снимка на инструкторката и нејзиниот весел танц, кој е во остар контраст со сериозноста на ситуацијата што таа не сакајќи ја доловила, брзо стана вирална. Снимката е посебно популарна во Индонезија, откако беше објавено дека песната што Ваи ја користи, била химна на работнички протести во оваа земја минатата година.