Лидерот на опозицијата во Јужна Кореја Ли Џае Мјунг бил нападнат денеска за време на посетата на јужниот пристанишен град Бусан, објави агенцијата Јонхап. Ли бил прободен во левата страна на вратот од непознат маж додека бил во посета на градилиште на иден аеродром, пренесе агенцијата.
Напаѓачот му пришол на Ли и му побарал автограм, пред ненадејно да го нападне. Набрзо бил совладан и уапсен. На фотографиите објавени во медиумите се гледа како Ли лежи на земја со затворени очи, а други луѓе му ја притискаат раната на вратот.
Footage showing the Stabbing Attack earlier against the Leader of the Democratic Party of South Korea, Lee Jae-myung while he was Speaking to a Crowd in the Southeastern City of Busan. pic.twitter.com/uEAabsxzmX
— OSINTdefender (@sentdefender) January 2, 2024
Лидерот на опозицијата е пренесен во болница, објави Јонхап. И покрај строгите закони за оружје, Јужна Кореја има историја на политичко насилство, при што се користени други видови оружје.
Лидерката на конзервативната опозиција Парк Геун Хе, која подоцна стана претседателка, беше нападната со нож во 2006 година, при што се здоби со длабока рана на лицето.