Поплави и свлечишта во Јужна Кореја, стотици луѓе евакуирани

Од:

Јужна Кореја трет ден по ред е погодена од поројни поплави и одрони, поради што стотици луѓе се евакуирани. Според Министерството за внатрешни работи и безбедност, околу 882 лица биле евакуирани низ целата земја, но се очекува бројот на евакуирани да се зголеми бидејќи браната во северната провинција Чунгчеонг се преполнила со вода.

Локалните власти наредија евакуација на повеќе од 7.000 луѓе. Повеќе од 2.700 тони вода во секунда влегоа во браната Гоесан, што е максимална количина на вода што може да се испушти. Во целата земја има два смртни случаи, а едно лице се води за исчезнат.

Корејската железница (KORAIL) соопшти дека ги суспендира сите бавни возови и некои брзи возови, како и дека другите брзи возови може да доцнат поради побавно работење, бидејќи лизгањето на земјиштето, поплавите и паѓањето на камења на шините ја загрозуваат безбедноста.

Доцна во четвртокот, бавен воз излета од шините во северната провинција Чунгчеонг, соопшти Министерството за транспорт. Во возилото немало патници, но машиновозачот е повреден. На состанокот со владините агенции, премиерот Хан Дак-Су ја повика војската активно да се вклучи во активностите за спасување.

Би можело да ве интересира

Поплави во долината Неретва

(ВИДЕО) Големи поплави и загинати во Бразил

Северна и Јужна Кореја „разменија“ гранати: Војската на Ким Џонг Ун подготвена и за најмала провокација

А1он

ВИДЕО: Лидерот на опозицијата во Јужна Кореја избоден со нож во вратот

(ВИДЕО) Поплави во Австралија, во поплавена улица плива крокодил

(ВИДЕО) Црна Гора: Поплавени улици, куќи и мостови, вода влегла и во итната медицинска помош

Горан Наумовски