Северна Кореја рано утринава истрела неколку крстаречки ракети кон Жолтото Море

Од:

Деталите за лансирањето ги анализираат јужнокорејските и американските разузнавачки служби, се вели во соопштението на јужнокорејскиот Генералштаб, пренесува Ројтерс.

Тоа е најновото во серијата ракетни тестови и воени вежби кои Пјонгјанг ги спроведува во последните недели, вклучувајќи го и неуспешното лансирање на шпионски сателит на крајот од минатиот месец.

Јужна Кореја во петокот објави санкции против пет севернокорејски поединци и една компанија вклучена во развојот на нуклеарната и ракетната програма на земјата.

Севернокорејската новинска агенција KCNA во четвртокот објави дека Пјонгјанг извршил симулиран нуклеарен напад врз цели низ Јужна Кореја, што предизвика критики од Сеул.

Годишните заеднички воени вежби меѓу Јужна Кореја и САД, познати како Штитот на слободата на Улчи, завршија во четвртокот по 11-дневни воздушни маневри во кои беа вклучени и стратешки бомбардери Б-1Б.

Северна Кореја протестираше поради распоредувањето на американски авиони способни да носат нуклеарно оружје, истрелајќи две балистички ракети само неколку часа подоцна како одмазда.

Пјонгјанг долго време ги критикува овие вежби, кои ги гледа како проба за војна.

Би можело да ве интересира

Северна кореја се пофали: Путин насокро доаѓа во посета

Северна Кореја тестираше беспилотен подводен систем за нуклеарно оружје

А1он

Последното предупредување – ерата на мирот заврши, подгответе се за војна, веќе се распоредени 20.000 војници

Северна и Јужна Кореја „разменија“ гранати: Војската на Ким Џонг Ун подготвена и за најмала провокација

А1он

ВИДЕО: Лидерот на опозицијата во Јужна Кореја избоден со нож во вратот

Јужна Кореја и се закани на Кина: Не може да се толерираат промени во Јужното Кинеско Море

Катерина Ѓуровски