Американскиот претседател Доналд Трамп денес изјави дека верува оти ја спасува Украина и дека доколку земјата продолжи со војната со Русија, таа ќе биде многу брзо уништена.
„Мислам дека ја спасувам таа нација. Мислам дека таа нација наскоро би била уништена. Тоа е голема воена машина“, рече Трамп во интервју за порталот „Атлантик“, по повод неговите први 100 дена како претседател на САД.
Тој потсети дека за време на неговиот прв мандат како претседател на САД, му дал на Киев противтенковски водени ракети „Џавелин“.