Рускиот претседател Владимир Путин им се обрати на медиумите откако во Москва ги прими пратениците на американскиот претседател, Стив Виткоф и Џаред Кушнер, при што изјави дека Русија признава само една линија на разграничување со Украина – државната граница.
Putin afanya mazungumzo na wajumbe wa Marekani, Witkoff na Kushner, katika Ikulu ya Kremlin.
https://t.co/wnNos7RxGp
— Sputnik Afrika (@sputnik_swahili) November 12, 2026
Како што пренесува руската државна новинска агенција ТАСС, Путин предложи организирање хуманитарна мисија во Костјантинивка, слична на онаа што неодамна беше спроведена во украинскиот град Олешки.
„Русија ја контролира Костјантинивка и е подготвена да ја гарантира безбедноста на хуманитарната мисија. На Русија ќе ѝ бидат потребни пет дена за да ја исчисти областа во близина на Костјантинивка од мини“, го цитира ТАСС зборовите на Путин.
🤝 Russian President Vladimir Putin meets US envoys Steve Witkoff and Jared Kushner in Moscow following US-mediated Ukraine peace talks in Abu Dhabi
📌 Talks expected to address prisoner exchange between Russia and Ukraine and possible European participation in peace negotiations https://t.co/DqMYnjpwKw
— Anadolu English (@anadoluagency) November 12, 2026
Рускиот претседател исто така предложи задачата за организирање на мисијата да им се довери на омбудсманите.
„Ако Украинците сметаат дека ја контролираат Костјантинивка, тогаш нека ја обезбедат безбедноста од своја страна“, додаде Путин, опишувајќи ја хуманитарната соработка со Украина во врска со Олешки како позитивно искуство.
Тој, исто така, изрази благодарност до првата дама на САД, Меланија Трамп, за нејзината улога во организирањето на мисијата.
„За Русија постои само една линија на разграничување со Украина – државната граница. Русија е свесна дека Украинците го покренуваат прашањето за ’сиви зони‘, но мирот во Украина мора да биде траен“, истакна понатаму Путин.
Според рускиот претседател, Русија никогаш не се спротивставила на дијалогот со Европа; напротив, тој напомена дека самите Европејци биле тие што ги прекинале контактите.