СЗО одобри итна употреба на кинеската вакцина „Синофарм“

Од:

Светската здравствена организација ја одобри за итна употреба вакцината против Ковид-19 на кинескиот производител на лекови Синофарм.

Вакцината, една од двете кинески вакцини што веќе се дадени на стотици милиони луѓе во Кина и во странство, е исто така и првата вакцина против коронавирус одобрена од СЗО, која не е развиена на Запад, како и прва од кинеските вакцини која добива зелено светло од организацијата.

Првиот човек на СЗО, Тедрос Аданом Гебрејесус, рече дека препораката е вакцинацијата со вакцината Синофарм да се врши во две дози, а таа може да се употребува кај сите луѓе постари од 18 години.

Фактот дека вакцината „Синофарм“ е на списокот на СЗО на итни вакцини е сигнал до националните регулатори дека таа е ефикасна и безбедна и ќе овозможи и оваа вакцина да се вклучи во системот Ковакс, глобална програма за распределба на вакцини во сиромашните земји.

– Ова го проширува списокот на вакцини кои Ковакс може да ги купи и ја зголемува довербата на земјите да го забрзаат одобрувањето на сопствените регулатори и да ја увезат и дадат вакцината, рече Тедрос на конференција во Женева.

Глобалната алијанса за вакцинација (ГАВИ), која управува со програмата Ковакс, ја поздрави одлуката на СЗО.

– Ова значи дека имаме уште едно безбедно и ефикасно средство во борбата против пандемијата, се вели во соопштението на Алијансата.

СЗО досега одобри итна употреба на вакцините против Ковид-19 кои ги развија „Фајзер“/„Бионтек“, „АстраЗенека“, „Џонсон и Џонсон“ и „Модерна“.

Би можело да ве интересира

САД купиле уште 200 милиони дози од вакцината на Фајзер

Жарко Настоски

ЕМА ја препорача вакцината на Модерна за деца од 12 до 17 години

Жарко Настоски

Кина одбива да учествува во втората фаза од истрагата за потеклото на коронавирусот

Тедрос: Можна е појава на поопасна варијанта коронавирус од Делта

Ана Ололовска

Во Бразил ќе испитуваат како влијае трета доза од вакцината „Астразенека“

Жарко Настоски

Половина милион Кинези со писмо до СЗО бараат истрага за американската био-лабораторија во Форт Детрик

Ана Ололовска