Американската вселенска агенција НАСА, преку своите телескопи „Спицер“ и „Свифт“, а со помош на методот наречен „гравитациска микролеќа“, откри нова кафена џуџе ѕвезда, пишува „Астрофизикал Џурнал“.
Кафените џуџиња се мали ѕвезди коишто обично орбитираат околу поголема ѕвезда. Во просек, нивниот размер и зафатнина се околу 80 пати поголеми од оние на Јупитер, да речеме. Она што е интересно е тоа, што се откриени многу малку кафени џуџиња близу Сонцето.
Гравитациската микролеќа е метод преку кој астрономите ги откриваат невидимите објекти во вселената. Тоа всушност претставува „зумирање“ преку гравитациското поле на еден или неколку објекти, што се наоѓаат меѓу објектот кој се набљудува и леќата на телескопот.
– Сакаме да разбереме како кафените џуџиња се формираат околу други ѕвезди и зошто има празнина меѓу местото каде што се наоѓаат и ѕвездите околу кои орбитираат, вели Јоси Шварцвалд од Лабораторијата за реактивни машини при НАСА во Пасадена.