Со колера заразени 936 лица во Сирија, осуммина починаа

Од:

Претставници на Обединетите Нации (ОН) во Сирија потврдија дека во земјата во неколку региони има појава на колера, досега се заразени 936 лица, а осуммина починаа. Тие предупредија оти станува збор за сериозна закана за целата област.

dobivaj vesti na viber

Координаторот на ОН во Сирија, Имран Риза повика на итна реакција со цел да се спречи ширење на колерата.

Засега случаи на колера има регистрирано во регионите Алепо, Деир ез-Зор, Рака, Хасака, Хама, Латакија.

Појавата на колера поединци ја поврзуваат со наводнување на посевите со загадена вода и користење нечиста вода од Еуфрат за пиење.

Реката Еуфрат ја дели Сирија на половина од север кон исток.

Големото уништување на водената инфраструктура за време на долгогодишната војна, доведе до тоа, Сиријци да бидат принудени да употребуваат вода од небезбедни извори.

Регионалниот директор на Светската здравствена организација во Сирија, Ричард Бренан потврди за евидентирани осум смртни случаи поради колера во земјата од 25 август. Од нив, шест во Алепо на север, два во Деир ез-Зор на исток. Се работи за првите потврдени случаи на колера изминатите неколку години.

Извор: МИА

Би можело да ве интересира

Бројот на загинати при превртување на чамец кај Сирија се искачи на 60 лица

Ана Ололовска

Дваесет и пет мигранти загинаа во бродолом во близина на Сирија

ОН: Крвавиот конфликт во Сирија може да ескалира

А1он

Во Сирија пет смртни случаи од колера, повеќе од 20 нови инфекции поради загадена вода

Американската војска објави дека одговорила на нападите на екстремистите од Сирија

Ана Ололовска

САД изврши воздушни напади во Сирија против проирански милиции