Германскиот министер за надворешни работи Франк-Валтер Штајнмаер денеска изјави дека Русија не може да успее да го уништи единството за санкциите во ЕУ поради Украина, користејќи стратегии со предлог за укинување на трговското ембарго против одделни држави од Унијата.
– Може да има обиди како овие и ќе ги има и во иднина. Такви обиди имаше и тие не беа успешни, истакна шефот на германската дипломатија.
Според него, земјите од ЕУ ја разгледувале оваа тема и постоеле несогласувања, но единството било неразделно.
– Ние донесовме одлука и затоа сметам дека обидите за поделба на Европа се неуспешни, нагласи Штајнмаер.