Русија е свесна за обидите на Украина да создаде валкана нуклеарна бомба и нејзината подготвеност да распореди нуклеарно оружје на НАТО на своја територија, изјави денеска рускиот министер за одбрана Сергеј Шојгу.
Тој рече дека „САД и европските земји демонстративно ги игнорираат нуклеарните уцени на украинските власти, на пример, провокациите насочени против нуклеарната централа Запорожје“, која е под руска контрола, пренесува ТАСС.
Рускиот министер за одбрана најави дека Западот е заинтересиран да ја уништи економијата и воениот потенцијал на Русија.
„Главната цел на деструктивните напори на колективниот Запад е, се разбира, Русија. Уништување на нејзината економија, воен потенцијал, лишување од можноста да води независна надворешна политика“, рече Шојгу на состанокот на заедничката комисија на министерствата за одбрана на Русија и Белорусија.