Претставници на сириските опозициски политички сили и вооружени групи денеска во Саудиска Арабија почнаа разговори во обид да ги обединат своите позиции пред евентуалните преговори со режимот во Дамаск.
Саудиската агенција за информирање јави дека во Ријад сириската опозиција почна голема обединувачка средба.
Под засилени мерки за безбедност учесниците расправаат зад затворни врати во еден голем хотел во Ријад,
Саудискиот министер за надворешни работи Адел ибн Ахмед ал Џубеир ги поздрави делегатите и изрази надеж дека форумот ќе биде плодотворен. Тој очекува дебатата да продолжи и утре.
До овој момент сириската опозиција изгледаше фрагментирана и разединета.
Ваква средба немало од почетокот на конфликтот во Сирија, во 2011 година, што веќе зеде над 250 000 жртви и од земјата протера милиони други, забележаа француските медиуми.