САД упатија критики кон Русија и Кина дека не вложуваат доволно напори во борбата против трговијата со луѓе.
Годишниот извештај на Стејт департментот за борбата против трговијата со луѓе го отвора патот за наметнување на санкции против овие две светски сили. Активистите ги поздравија американските критики, кои сепак претставуваат ризик за дополнително влошување на и без тоа заладените односи на Вашингтон со Москва и Пекинг.
Русија, Кина, Северна Кореја, Сирија и уште 17 земји спаѓаат во третата група според класификацијата на американскиот Стејт департмент, која опфаќа вкупно 188 држави.
Претседателот Барак Обама има 90 дена, за да реши дали ќе воведе санкции кон овие земји. Обама може да воведе блокада на различни видови помош и да ја повлече поддршката на САД за кредити доделени од Светската банка и Меѓународниот монетарен фонд.
Уште 25 земји се соочуваат со истата судбина. Меѓу нив се Авганистан, Тајланд, Малезија, Малдивите, Чад и Барбадос.
Според извештајот околу 27 милиони лица во светот се претворени во робови.