САД и нивните западни сојузници се сè повеќе загрижени поради зајакнувањето на соработката меѓу Русија и Кина во области од заеднички интерес, изјави денеска командантот на силите на НАТО за Европа, Тод Волтерс.
Тој рече дека зајакнувањето на соработката „апсолутно сугерира појава на партнерство“.
Според Волтерс, тоа партнерство има за цел унапредување на заедничките интереси, што може да биде на штета на Европа и околните земји.
НАТО ја обвинува Русија дека се обидува да го дестабилизира Западот со ново нуклеарно оружје, кибернапади и прикриени активности. Европската унија, од друга страна, чии многу земји се членки на НАТО, ја гледа Кина како ривал во нејзината сфера на влијание, но и како трговски партнер.