Русија е подготвена на Украина да и испорача до 10 милијарди кубни метри гас, неопходен за зимскиот период, изјави рускиот министер за енергетика, Александр Новак.
-„Газпром“ може да му испорача на „Нафтогас“ најмалку пет милијарди кубни метри по системот „земи или плати“ и по системот на дополнителна набавка, доколку биде потребно во зависност од тоа каква ќе биде зимата-рече тој на состанокот со премиерот на Русија, Дмитриј Медведев.
Според него, Русија чека одговор од Украина за исплата на долгот за гас, во износ од 3,1 милијарда долари.
-Во моментов Еворпската комисија е подготвена да гарантира отплата на долгот-наведе министерот, пренесе „Итар Тас“.
Е. Г.