Орбан бара да не се разговара за нафтата на претстојниот ЕУ самит

Од:

Унгарската Влада испратила писмо до Европскиот Совет со барање да не се става руската нафта на дневен ред на лидерскиот самит на ЕУ на 30 и 31 мај, јави дописничката на МИА од Брисел.

dobivaj vesti na viber

Високи дипломатски извори во Советот потврдија дека претседателот Шарл Мишел го добил писмото на унгарскиот премиер, Виктор Орбан, и додаваат дека за сега нема формална реакција од Мишел.

Претседателот на Европскиот Совет, кој претседава со самитот, продолжува да се консултира со лидерите на 27-те земји членки пред самитот, и ова е една од темите на кои тој работи.

Унгарија го блокира шестиот пакет санкции на ЕУ врз руската нафта предложен од Европската Комисија. Комисијата сака до крајот на оваа година земјите на ЕУ целосно да го прекинат увозот на руска нафта и нафтени производи. Унгарската влада, иако доби пролонгирање во предлогот на Комисијата, сепак не е задоволна и вели дека со оваа мерка нејзината економија би претрпела преголема штета.

Во име на Европската Комисија попладнево потпретседателот Валдис Домбровскис порача дека е важно да се „оди напред со шестиот пакет санкции“, но дека дневниот ред на Европскиот Совет не го одредува Европската Комисија.

Би можело да ве интересира

ЕУ сака компромис со Москва за Калининград за да избегне уште еден конфликт

Милановиќ: Никаде не пишува дека Србија мора да го признае Косово

Во ЕУ минатата година зголемен бројот на барања за азил

Ана Ололовска

Членките на ЕУ воведоа задолжително складирање на природниот гас до почетокот на зимата

Ана Ололовска

Борел бара ЕУ да се се откаже од принципот на едногласност

Ана Ололовска

Додон: Нема да станеме дел од ЕУ барем за деценија или две, можеби и никогаш

Ана Ололовска