Најмалку четири лица загинаа, а десетици се повредени во несреќа на унгарскиот рели „Естергом-Нјергес“. Се уште не се познати точните околности на несреќата, трката е прекината, а на местото пристигнале неколку спасувачки хеликоптери.
💥🇭🇺 Hongrie – 🏎️
4 morts et 8 blessées après qu'une voiture a percuté les spectateurs lors du Rallye Esztergom-Nyerges.
Vidéo ⤵️ pic.twitter.com/EDsFPTofBQ
— Marto Pirlo (@martopirlo1) March 24, 2024
Унгарските медиуми јавуваат дека еден од учесниците на релито изгубил контрола над автомобилот и излетал од патот, удрил во група гледачи. Според досегашните информации четири лица загинале, а седум се повредени, пишува на полицискиот сајт. Несреќата се случила за време на трка меѓу градовите Лабатлан и Бајот во северозападна Унгарија.
Детали за трагедијата се објавени на Фејсбук страницата Rally Life. „Возачкиот тандем кој се натпреваруваше со Škoda Fabia R5 случајно удри во толпата, при што беа повредени околу 30 луѓе“, се вели во известувањето.
Videón is látható a baleset, ami több ember halálát okozta az Esztergom-Nyerges rallyn pic.twitter.com/bfrkzgTqh3
— Vadhajtások.hu (@VadhajtasokHu) March 24, 2024
По трагедијата, на местото на несреќата се испратени возила на брза помош и спасувачки хеликоптери. Каталин Себо, организатор на Националната служба за брза помош, изјави за Index.hu дека осум амбулантни возила и четири спасувачки хеликоптери пристигнале на местото на настанот.
Четири лица загинаа, едно дете е тешко загрозено, едно лице е тешко повредено, а шест лица (меѓу нив и дете) се пренесени во болница со полесни повреди“, соопштија локалните власти.