Омикрон урива рекорди, највисок број новозаразени за една седмица во светот регистрира СЗО

Од:

Нивото на ризик поврзано со варијантата Омикрон останува многу високо, соопшти СЗО, откако бројот на нови случаи на Ковид-19 достигна нов рекорд минатата недела.

dobivaj vesti na viber

– Пријавени се повеќе од 21 милион нови случаи, што е најголем број неделни случаи пријавени од почетокот на пандемијата, соопшти Светската здравствена организација во своето неделно епидемиолошко ажурирање за коронавирусот.

Здравствената агенција на ОН соопшти дека бројот на нови случаи се зголемил за пет отсто во седмицата до неделата, во споредба со 20 отсто зголемување во претходната недела.

– Глобално, има побавен пораст на бројот на заболени, соопшти СЗО.

Организацијата информира дека се регистрирани скоро 50.000 нови смртни случаи, слично како и претходната недела. Во извештајот се вели дека Омикрон продолжува да доминира.

– Тековната глобална епидемиологија на САРС-КоВ-2 се карактеризира со доминација на варијантата Омикрон ширум светот, континуиран пад на преваленцијата на варијантата Делта и многу ниско ниво на дистрибуција на Алфа, Бета и Гама соевите, соопшти СЗО.

Во земјите каде што имаше брз пораст на случаите на Омикрон во ноември и декември 2021 година, се забележува мало намалување на случаите. Сепак, „врз основа на моментално достапните докази, севкупниот здравствен ризик поврзан со варијантата Омикорн останува многу висок, нагласи СЗО.

Би можело да ве интересира

Пандемијата од Ковид-19 не е завршена порачува шефот на СЗО

Катерина Павлова-Николовска

СЗО: Досега потврдени 80 случаи на мајмунски сипаници

Ана Ололовска

Клуге загрижен поради можно ширење на мајмунски сипаници

Ландов

СЗО на итна средба заради мајмунските сипаници

СЗО: Русија да овозможи обезбедување здравствена заштита во Украина

Ана Ололовска

Расте бројот на заболени од мајмунски сипаници во Европа и Северна Америка

Ана Ололовска