ОАЕ: 15 години затвор за сите кои изразуваат солидарност кон Катар

Од:

Обединетите Арапски Емирати им забранија на своите државјани јавно да изразуваат симпатии кон Катар, и најавија 15 години затвор за оние кои не го почитуваат тоа, објавија локалниот весник „Гулф њуз” и телевизискиот канал „Ал Арабија”.

Во понеделникот, ОАЕ и неколку други арапски земји ги прекинаа дипломатските односи и објавија строги мерки за прекин на превозот, комуникациските и финансиските врски со Катар, обвинувајќи го дека поддржува исламистички терористички групи, но и за наклонетост кон Израел и Иран. Катар ги отфрла обвиненијата.

– Ќе се преземат строги и решителни дејствија против оние кои изразуваат солидарност или се однесуваат необјективно кон Катар, а исто и против оние коишто застануваат против официјалниот став на ОАЕ, било тоа да е на социјалните мрежи или во друга писмена, визуелна или усна форма, појасни генералниот обвинител на ОАЕ, Хамад Саиф ал Шамси.

Освен затворска казна, предвидена е и глоба од 500.000 дирхами (околу 121.000 евра).

Би можело да ве интересира

Шефот на израелската дипломатија во историска посета на ОАЕ

Ана Ололовска

Катар дава пола милијарда долари за да се обнови Газа

Жарко Настоски

ОН: ОАЕ да понуди докази дека принцезата Латифа е жива

Ана Ололовска

САД продаваат оружје на ОАЕ за 23 милијарди долари

Ана Ололовска

Почина министерот за финансии на ОАЕ и втор човек на Дубаи, шеикот Хамдан

Ана Ололовска

Катар вети 60 милиони долари за гасовод до Газа

Жарко Настоски