Германската канцеларка Ангела Меркел денеска ќе се сретне со францускиот претседател Емануел Макрон за да разговараат за Брегзит, односите со САД и други европски прашања.
Денешниот состанок се случува еден ден откако британската премиерка Тереза Меј рече дека Парламентот ќе добие шанса да гласа за одложување на излезот на Британија од ЕУ закажан за 29 март. Одложувањето би барало одобрување и од останатите членки на ЕУ.
Меркел и Макрон, исто така, ќе потсетат на француско-германското партнерство во областа на одбраната, соопштено е од канцеларијата на францускиот претседател.
Двајцата лидери во јануари оваа година потпишаа договор со кој се обновува повеќедецениското пријателство на тие две земји. Тие ветија дека ќе ја зголемат соработката во областите: надворешна и одбранбена политика, борба против криминалот и тероризмот, меѓународен развој и истражувањата.