НАТО ги отфрли руските барања да ги повлече своите сили од Романија и Бугарија

Од:

НАТО ги отфрли руските барања да ги повлече своите сили од Романија и Бугарија, додека дипломатските напори продолжија да се спречи војна во Европа, откако Русија собра десетици илјади војници во близина на границите на Украина.

dobivaj vesti na viber

„НАТО нема да се откаже од нашата способност да се заштитиме и браниме меѓусебно, вклучително и со присуството на војници во источниот дел на алијансата“, наведе портпаролката на НАТО, Оана Лунгеску во изјава. Москва побара правно обврзувачки гаранции од НАТО дека блокот ќе го запре своето проширување и ќе се врати на своите граници од 1997 година.

Претходно денеска, руското МНР објави дека безбедносните гаранции што Москва ги бара од Западот вклучуваат одредби со кои се бара силите на НАТО да ги напуштат Романија и Бугарија.

„Ние отфрламе каква било идеја за сфери на влијание во Европа. Секогаш ќе одговориме на секое влошување на нашата безбедносна средина, вклучително и преку зајакнување на нашата колективна одбрана“, нагласи портпаролката на НАТО.

„НАТО е буден и продолжува да ја проценува потребата од зајакнување на источниот дел на нашата Алијанса“.

Извор: МИА

Би можело да ве интересира

Канада воведува дополнителни санкции против руските олигарси

Ердоган не попушта: Повторно „не„ за Шведска и Финска

Русија утре ја прекинува испораката на гас за Финска

Шојгу: Заканите од НАТО растат, Русија формира 12 нови единици и одреди

Проруски хакери нападнале сајтови на италијански државни институции

Лукашенко: Белорусија купи од Русија ракетни системи С-400 и ракети „Искандер“

Ана Ололовска