НАСА: Испраќањето луѓе на Месечината ќе чини 28 милијарди долари

Од:

Американската Национална воздушно-вселенска администрација – НАСА вчера го објави планот за праќање човечки екипаж на Месечината до 2024 година. Тоа ќе чини вкупно 28 милијарди долари. Буџетот е планиран за наредните три години.

Само вселенското летало би чинело 16 милијарди долари.

Конгресот на САД, што ги очекува претседателските избори на 3 ноември, сега треба да го одобри планот за праќање астронаути на Месечината, што пак, сегашниот претседател Доналд Трамп го постави како врвен приоритет.

Од друга страна пак, шефот на НАСА, Џим Брајденстин потсети на „политичките ризици“ од можна смена на шефот на државата. Според тамошните медиуми, на пр. Џорџ Буш потроши милијарди на подготовки за астронаутска мисија на Марс, а неговиот наследник Барак Обама ги откажа сите тие активности.

– Сепак, сѐ уште сме „на патот“ кон слетување на Месечината во 2024 година… Одиме на Јужниот Пол (на Месечината). Нема дискусии за ништо друго освен за тоа, вели Брајденстин.

Со мисијата „Артемис 2“ закажана за 2023 година астронаутите на НАСА ќе го обиколат нашиот природен сателит, но нема да има слетување.

Според Брајденстин, човештвото го очекува нешто ново, сосем поинакво од што било што научниците направиле досега.

Би можело да ве интересира

ВИДЕО: НАСА откри докази дека има вода на сончевата страна на Месечината

Жарко Настоски

ВИДЕО: Тројцата космонаути од Меѓународната вселенска станица безбедно се вратија на Земјата

Ана Ололовска

НАСА: Група земји потпишаа договор за истражување на вселената

Ана Ололовска

Новиот тоалет на Меѓународната вселенска станица чини 23 милиони долари

Ана Ололовска

Нивото на радијација на Месечината е алармантно високо

Ана Ололовска

Астронаутка ќе гласа од вселената на изборите во САД

А1он