Велика Британија е подготвена да ги интензивира преговорите со Европска унија за Брегзит, но се уште ништо не е официјално договорено, изјави портпаролот на британската премиерка Тереза Меј.
Претходно, главниот преговарач на Европската комисија за излезниот процес од ЕУ, Мишел Барние кажа дека главниот камен на сопнување е финансиското порамнување.
– Оваа недела донесе корисни разговори, се разјаснија некои работи, но не оставривме никаков значаен напредок за клучните прашања, изјави преговарачот Барние.
Тој го критикуваше Лондон заради невозможните барања, а како пример го наведе барањето на Велика Британија да има право на глас при одредувањето на прописи за заедничкиот пазар на ЕУ.
Позициите на ЕУ и Велика Британија за Брегзит се толку различни што постои само минимална шанса Брисел да се согласи преговорите да почнат во октомври.