Лондон се загрижи за судбината на принцезата Латифа од Дубаи, која вели дека татко ѝ ја држи во залошништво

Од:

Британскиот премиер Борис Џонсон денеска изјави дека е загрижен за судбината на принцезата Латифа, една од ќерките на владетелот на Дубаи, и рече дека овој случај ќе биде во центарот на вниманието.

– Тоа е нешто за што очигледно сме загрижени, но Комисијата за човекови права на ОН го разгледува тоа. Мислам дека ќе почекаме и ќе видиме како ќе напредуваат. Ќе внимаваме на тоа, изјави Џонсон.

Обединетите нации денеска соопштија дека ќе го покренат прашањето за апсењето на принцезата, чие полно име е Латифа бинт Мохамед бин Рашид Ал Мактум, пред властите на Обединетите Арапски Емирати.

Принцезата го обвини својот татко, шеикот Мохамед бин Рашид Ал Мактум, дека ја држи во заложништво во Дубаи од 2018 година, кога се обиде да избега од градот, а во тајно снимено видео откри дека се плаши за својот живот, пренесува Би-Би-Си.

Поради тоа видео, беа испратени повици од целиот свет до Обединетите нации да го испитаат случајот.

Од Канцеларијата на Високиот комесаријат за човекови права на ООН одговорија на повиците, кои бараат одговори за принцезата Латифа од Обединетите Арапски Емирати, и наведуваат дека истрагата ќе започне откако подетално ќе се анализира снимката.

Таткото на принцезата Латифа, шеикот Мохамед бин Рашид ел Мактум, е еден од најбогатите шефови на држави во светот, владетел на Дубаи и потпретседател на ОАЕ.

Би можело да ве интересира

Ерик Клептон нема да свири на концерти на кои условот за влез е вакцинација

Жарко Настоски

Лондон и Париз најавуваат „зајакнување“ на нивната соработка против илегалната имиграција

Ана Ололовска

Камингс со тешки обвинувања кон премиерот Џонсон: Беше против целосен локдаун се додека умираа повозрасни од 80 години

Ана Ололовска

Во Англија од денеска се укинати речиси сите мерки против коронавирусот

Ана Ололовска

Се обиде да избегне, но Борис Џонсон сепак ќе мора во самоизолација

Катерина Павлова-Николовска

Борис Џонсон во нов модел на изолација

Катерина Павлова-Николовска