Тела на четири лица се пронајдени во куќа во Костеси, во близина на Норвич, соопшти полицијата во Норфолк.
Службениците отидоа на адреса во Алан Бедфорд Кресент во Костеси непосредно пред 7:00 часот утринава по повик од граѓани, објави Гардијан. Откако насилно влегле во имотот, внатре ги пронашле телата на четири лица.
Од полицијата соопштија дека се претпоставува дека сите четири лица се познавале меѓусебно, а нивното легитимирање е во тек.
Крис Бургес, од главниот истражен тим на Норфолк и Сафолк, рече дека истрагата е во рана фаза и дека тоа е многу вознемирувачки и трагичен инцидент.
„Следиме бројни линии на истрага. Во овој момент веруваме дека ова е изолиран инцидент. Разбирам дека веста за овој инцидент ќе биде шокантна за локалната заедница и ќе објавиме повеќе информации штом можеме“, рече тој.