Британската полиција денеска понуди награда од 20.000 фунти (23.370 евра) за информација што ќе доведе до апсење на Абдул Езеди, главниот осомничен за хемискиот напад во средата во Клапам, југозападен Лондон.
Интензивната потрага засега не дава резултати, а Езеди, осомничен дека нападнал 31-годишна жена и нејзините две ќерки, се уште не е лоциран.
Британските детективи предупредија дека секој што ќе му помогне се соочува со апсење, додавајќи дека веруваат дека има поединци кои ја кријат неговата локација, објави Гардијан.