Кратко откако ќе се постигнат сите цели на заедничката израелско-американска воена интервенција против Иран, американската јавност ќе види како цените на нафтата и гасот паѓаат, изјави портпаролката на Белата куќа, Каролин Ливит.
– Американскиот народ може да биде сигурен дека неодамнешното зголемување на цените на нафтата и гасот е привремено и дека оваа операција (израелско-американската воена интервенција против Иран) ќе резултира со пониски цени на гасот на долг рок, рече Ливит на прес-конференција.
Ливит додаде дека американскиот претседател Доналд Трамп и неговиот енергетски тим внимателно ги следат пазарите, разговараат со лидерите во индустријата и дека американската војска развива дополнителни опции во согласност со директивата на претседателот да го задржи Ормутскиот теснец отворен.
Цените на нафтата скокнаа на повеќе од 119 долари за барел во понеделник, достигнувајќи го највисокото ниво од јуни 2022 година, поради загриженоста дека тоа би можело да им наштети на американските бизниси и потрошувачи пред среднорочните избори во ноември и надежите на републиканците да ја задржат контролата врз Конгресот.
