Рускиот министер за надворешни работи Сергеј Лавров изјави дека плановите на САД за испорака на оружје за Украина ги поткопуваат постигнатите договори од Минск.
– Голем број Европејци го сметаат ваквиот план за многу опасен, но во ЕУ има и такви што буквално поттикнуваат снабдување со такво оружје. Тоа е недвосмислено однесување за уривање на договорите од Минск и нивно директно кршење, истакна Лавров.
Според него, Русија е подготвена да учествува во разгледување на предлозите за испраќање мировна мисија во источниот дел на Украина, доколку страните во конфликтот се заинтересирани за тоа.
Украинската армија денеска соопшти дека еден нејзин припадник е убиен во последните 24 часа во борбите во источниот дел на земјата и покрај објавениот прекин на огнот.