Комесарот за човекови права на Советот на Европа, Нилс Муижниакс упати критика до унгарските власти поради најавата за подигнување ѕид долж границата со Србија, со цел да се спречи влегување на мигринати.
– Унгарскиот план е лоша идеја. На мигрантите треба да им се овозможи пристап до азил, а не да се спречуваат, напишал Муижниакс на Твитер.
Унгарскиот министер за внатрешни работи Петер Сијарто вчера изјави дека неговата земја ќе изгради ѕид висок четири метри и долж 175-километарската граница со Србија за да се спречи бранот од илегални имигранти.
Тој нагласи дека властите се одлучиле на ваков потег откако во првите шест месеци од годинава регистрирале дека преку границата преминале 57.000 илегални имигранти, главно Сиријци, Ирачани и Авганистанци.