Иранската државна телевизија вчера ја обвини британската медиумска куќа Би-Би-Си дека се обидела да украде „уметнички, историски и културни документи“ од архивот на Владата на Исламската Република.
– Непријателската мрежа Би-Би-Си, спротивно на медиумските регулативи и меѓународниот закон, преку своите локални соработници, се обиде да украде историски документи од официјалните архивски центри, објави иранската телевизија.
Би-Би-СИ се уште не ги коментираше тврдењата на иранската државна телевизија.
Иран и претходно ја обвинуваше британската медиумска мрежа дека е покритие за шпиони и дисиденти.
Програмата на Би-Би-Си на фарси нема дозвола за работа во Ирак, а работењето за британската мрежа е незаконско. Би-Би-Си тврди дека Техеран го спречува емитувањето на програмата во Иран.
Велика Британија нема дипломатски претставници во Техеран откако иранските екстремисти упаднаа во британската Амбасада во Техеран во 2011 година.